TAR Uwchradd gyda SAC:Ffrangeg, Sbaeneg PGCert

Bydd rhaglen TAR integredig a manwl Partneriaeth Ysgolion Prifysgol Abertawe'n eich herio'n academaidd ac yn broffesiynol. Mae'r rhaglenTAR Ieithoedd Tramor Modern – Ffrangeg/Sbaeneg yn datblygu dealltwriaeth feirniadol o natur ieithoedd a'u lleoliad yng nghwricwlwm yr ysgol. Byddwch yn cael eich annog i ymchwilio a phrofi eich ymagweddau eich hun at addysgeg Ffrangeg/Sbaeneg i ddod o hyd i'r technegau hynny sydd orau i chi a'r disgyblion rydych yn eu haddysgu. Mae Partneriaeth Ysgolion Prifysgol Abertawe'n ymrwymedig i ddatblygu ymarferwyr myfyriol wedi'u llywio gan ymchwil sy'n gallu dangos creadigrwydd a hyblygrwydd yn eu haddysgu fel y gall dysgwyr ddatblygu eu gallu ieithyddol mewn amgylchedd sy'n ysgogi mwynhad o'r pwnc.