Hanes (TAR Uwchradd - Graddedigion yn unig)

Mae ein llwybr TAR Uwchradd Hanes yn cynnig Addysg Gychwynnol Athrawon (AGA) ragorol, gan ddarparu llwybr at Statws Athro Cymwysedig (SAC).

Mae’r rhaglen hon yn cyfuno hyfforddiant dan arweiniad y brifysgol â hyfforddiant dan arweiniad ysgolion, gan ganolbwyntio ar ddulliau addysgu effeithiol a gwybodaeth am y cwricwlwm. Gallwch ddatblygu eich sgiliau mewn addysgeg ac arfer adfyfyriol drwy sesiynau arloesol a phrofiad ymarferol.

Mae’r addysgu yn cwmpasu grwpiau blwyddyn uwchradd, yn cynnwys TGAU a Safon Uwch, gan sicrhau dealltwriaeth drylwyr o addysg hanes. Cewch brofiad o amgylcheddau addysgu amrywiol drwy leoliadau trefol a gwledig, gan gynnwys ysgolion cyfrwng Cymraeg. Bydd profiad addysgu proffesiynol (PAP) a chymorth mentoriaid yn elfennau allweddol, gan arwain eich datblygiad.

Mae’r rhaglen yn pwysleisio pwysigrwydd hanes wrth helpu pobl ifanc i fod yn ddinasyddion uchelgeisiol, creadigol a moesegol. Mae cymorth ariannol ar gael drwy fwrsariaethau ac ysgoloriaethau.