Gynradd (3-11 oed) TAR Addysg

TAR Addysg Gynradd (3-11 oed) X178

Os ydych yn berson graddedig sy'n awchu i ddysgu ac sydd â diddordeb mewn cael gyrfa yn athro ysgol gynradd, dyma'r cwrs i chi! Cwrs un flwyddyn yw rhaglen TAR Addysg Gynradd a fydd yn arwain at ddyfarniad Statws Athro Cymwysedig (SAC). Nod y cwrs yw paratoi athrawon dan hyfforddiant i fod yn ymarferwyr medrus, hyderus ac arloesol sy'n gallu adfyfyrio'n feirniadol ac sy'n ymrwymedig i ddysgu proffesiynol gydol oes ac i addysg pobl ifanc.

Sylwer, mae'r cwrs hwn yn amodol ar ddyddiad cau ystyriaeth gyfartal UCAS. Dylid cwblhau ceisiadau a'u cyflwyno'n gynnar i warantu bod eich cais yn cael ei ystyried. Os oes lleoedd ar gael o hyd, gallwch wneud cais ar ôl y dyddiad cau hwn, a bydd chwiliad cwrs UCAS yn dangos bod gan y cwrs leoedd gwag.