Cymraeg (Welsh) and History

Mae'r cwrs hwn yn eich galluogi i astudio'r cysylltiadau sydd rhwng hanes, llenyddiaeth ac iaith. Cewch astudio modiwlau hanes Cymru a dewis hefyd o blith modiwlau sy'n ymdrin â hanes Prydain, Ewrop a'r byd ehangach. Mae'r ddarpariaeth Gymraeg yn amrywio o chwedlau'r Mabinogi i lenyddiaeth gyfoes. Bydd eich astudiaethau ieithyddol yn cwmpasu hanes y Gymraeg a'i defnydd ymarferol at fyd gwaith wrth baratoi ar gyfer cyflogaeth mewn meysydd fel y gwasanaeth sifil, llywodraeth leol, darlledu, cyhoeddi, addysgu, cyfieithu a'r celfyddydau.

Mae opsiynau 'Blwyddyn Profiad Rhyngwladol' a 'Blwyddyn ar Leoliad' ar gael ar gyfer y cwrs hwn. Bydd gennych y cyfle i ystyried yr opsiynau hyn yn llawn ar ôl cychwyn eich cwrs ym Mangor a gallwch wneud cais i drosglwyddo i un o’r opsiynau yma ar yr adeg priodol. Mae mwy o wybodaeth am yr opsiynau hyn ar ein gwefan, ac mae croeso i chi gysylltu â ni os oes gennych unrhyw ymholiad.

Os nad oes gennych mo'r cymwysterau gofynnol ar gyfer cwrs lefel gradd hwn, neu os ydych am fynd yn ôl i addysg yn dilyn cyfnod i ffwrdd, yna gall Rhaglen Blwyddyn Sylfaen fod y dewis iawn i chi. Gwnewch gais am Cymraeg i ddechreuwyr (gyda Blwyddyn Sylfaen) Q565 neu History (with Foundation Year) V10F.