Cymraeg (Welsh) a/and Sociology

Rhennir y cwrs hwn yn gyfartal rhwng Cymraeg a Chymdeithaseg. Bydd eich modiwlau Cymraeg yn cyfuno astudio llenyddiaeth a diwylliant ag astudiaethau ieithyddol sy'n cwmpasu hanes y Gymraeg a'i defnydd ymarferol at ddibenion sy'n ymwneud â gwaith. Ymchwil i fywyd cymdeithasol a'r ffordd y mae'n siapio ymddygiad, credoau a hunaniaeth pobl yw cymdeithaseg. Mae'r maes yn cynnwys archwilio ymwneud beunyddiol pobl â'i gilydd, wyneb yn wyneb, sefydliadau cymdeithasol mawr, mudiadau cymdeithasol a phrosesau byd-eang. Mae ein graddedigion yn gweithio mewn meysydd fel y gwasanaeth sifil, y gwasanaethau cymdeithasol, darlledu, cyhoeddi, addysgu, cyfieithu a'r celfyddydau.

Mae opsiynau 'Blwyddyn Profiad Rhyngwladol' a 'Blwyddyn ar Leoliad' ar gael ar gyfer y cwrs hwn. Bydd gennych y cyfle i ystyried yr opsiynau hyn yn llawn ar ôl cychwyn eich cwrs ym Mangor a gallwch wneud cais i drosglwyddo i un o’r opsiynau yma ar yr adeg priodol. Mae mwy o wybodaeth am yr opsiynau hyn ar ein gwefan, ac mae croeso i chi gysylltu â ni os oes gennych unrhyw ymholiad.

Os nad oes gennych mo'r cymwysterau gofynnol ar gyfer cwrs lefel gradd hwn, neu os ydych am fynd yn ôl i addysg yn dilyn cyfnod i ffwrdd, yna gall Rhaglen Blwyddyn Sylfaen fod y dewis iawn i chi. Gwnewch gais am Cymraeg i ddechreuwyr (gyda Blwyddyn Sylfaen) neu Cymdeithaseg (gyda Blwyddyn Sylfaen) L30F.